[i575]
DE LA VILLE DE PARIS.
245
CCCCL. — [Injonction pour la garde de la porte Sainct Anthoine et la] Rastille.
g avril 1575. (Fol. i83 r°.)
De par les Prevost des Marchans et Eschevins de la Ville de Paris.
"Affin de maintenir laditte ville en seureté, et les bourgeois, manans et habitans d'icelle en estat et ordre militaire en faisant les gardes, il est inhibé et deffendu aux cappitaines, bourgeois et habitans, qui seront de la garde de nuict de la porte Sainct Anthoine et près la Bastille, de tirer aucuns coups de harquebouzes et bastons à feu; fere bruitz ne inso­lences, tant y allans que revenans, ne à aultre heure; et ne partir le matin de laditte porte, que le cap­pitaine et ceulx de sa compaignie qui entrera en
garde de jour n'y soit arrivé. Auquel cappitaine de jour, à ceste fin, est enjoinct y aller dès l'heure de cinq heures du matin, et n'en partir le soir que le cappitaine qui devra entrer en garde la nuict sui­vant n'y soit arrivé, pour lever les gardes de jour; auquel cappitaine qui devra entrer en garde la nuict est aussy enjoinct y aller dès sept heures du soir : sur peine de s'en prendre ausdictz cappitaines en leurs propres et privez noms, et aussy ausdictz bour­geois.
"Faict au Bureau de laditte Ville, le ix"1* jour d'Avril m v° lxxv. "
CCCCLI. — [Nouvelles lettres du Roy pour constituer neuf mille livres de rente.]
15 avril 1575. (Fol. 362 r°.)
De par le Roy.
2Vés chers et bien aînez,
"Nous vous avons cy devant envoyé noz Lettres patentes pour constituer neuf mil tant de livres de rente aux personnes qui s'y presenteroient'1'; à quoy nous avons entendu que n'avez encores satiffaict, ains que vous vous arrestez à quelque difficulté qui nous semble assez mal à propos, et qui ne peult ny doibt empescher l'effect et execution du contenu de nosd. Lettres, pour ce que ce n'est qu'une forme de retrocession, joinct l'importance que ce seroit à noz affères.
«Sur quoy, vous voullant bien fere entendre noz
vouloir et intention, nous vous mandons et néanl­moingz ordonnons que, sans plus user d'aucune longueur ou dilation ny fere aulcune difficulté, vous ayez à effectuer le contenu en nozdittes Lettres, de façon que nous en recepvions le contantement que nous en esperons.
"Si n'y faittes faulte, car tel est nostre plaisir.
"Donné à Paris, le xve jour d'Apvril 1575." Ainsy signé: "HENRY". Et au dessoubz : "Brulart".
Et au doz est escript ce qui s'ensuict : A noz trés chers et bien aînez, les Prevost des Mar­chans et Eschevins de nostre bonne Ville et Cité de Paris.
CCCCLII. — Ferme des draps d'or et d'argent, et augmentation d'icelle. [Mandemens aux Conseillers.]
21 avril 1575. (Fol. i83 v°.)
"Monsieur le premier President, plaise vous trou­ver samedy prochain, deux heures de relevée pré­cisement, en l'Hostel de laditte Ville, pour adviser sur le faict de la ferme des draps d'or et d'argent, soies et appartenances, et remplacement des rentes constituées sur lad. Ville de Paris : vous priant n'y voulloir faillir.
"Faict au Bureau, cc xx 1"" jour d'Avril m v° lxxv.
"Les Prevost des Marchans et Eschevins de la Ville de Paris, ' «Tous vostres."
Pareils Mandemens ont esté envoiez à Messieurs les Conseillers de. lad. Ville.
(1' Ces lettres, qui n'ont pas été rapportées au Registre, étaient datées du 20 janvier, ainsi qu'il résulte du contexte d'un acte du 14 mai suivant : ci-dessous, art. CCCCLXXV.